CEBU, Philippines - Gihulagway ni Kongresista Tomas Osmeña nga usa ka “pure political harassment†ang gihimo ni Mayor Michael Rama nga dili na iapil ang tunghaan ni Konsehal Rodrigo Abellanosa sa mga makadawat og scholars sa dakbayan.
Si Osmeña miinsistir nga walay “conflict of interest†sa pagsalmot sa Asian College of Technology (ACT) sa Cebu City Scholarship Program tungod kay makabentaha pa man gani ang mga tinun-an nga anha motungha.
Apan si Rama sa buwag nga interbyu sa mga reporters miingon nga dili siya maminaw kang Osmeña sanglit ang kongresista dili man abogado nga suhito sa balaud. Gani iyang gitambagan si Osmeña nga mas labing maayo nga motungha usa kini pagka-abogado aron makasabot sa isyu kabahin sa balaud.
“Normal man na ilang reaction kay naalkanse man sila’g dako. Nakaginansya na bitaw sila’g dako sa una,†si Rama namahayag.
“Those that should be asked are the other schools that are wondering why the bulk of scholarship recipients are concentrated in that school,†dugang sa mayor.
Si Atty. Aristotle Batuhan nga kaatbang ni Abellanosa sa pagdagan isip kongresista sa south district maoy mipasaka og kaso nga administratiba didto sa Malacañang tungod niini.
Apan si Osmeña nagkanayon nga tungod sa gihimo ni Rama nga miuyon sa sugyot sa City Scholarship Committee nga dili na paapilon ang ACT sa scholarship program, daghang mga tinun-an ang maapektahan.
Si Abellanosa miangkong nabalaka sa dangatan na unya sa liboan ka mga iskolar sa iyang tunghaan tungod kay mawagtangan na sila sa educational assistance. “We will not do anything about suddenly dropping ACT from the city scholarship program. What we will do is help the poor students who wanted to finish college,†matud ni Abellanosa. (BANAT NEWS)