Pagpaubos ug pag-angkon sa sayop maoy mensahe ni Arsobispo Palma
CEBU, Philippines - Pagpaubos pinaagi sa pag-angkon sa kasaypanan mao ang mensahe ni Cebu Archbishop Jose Palma atol sa misa pahinungod sa kapistahan sa labing unang Bisayang Santo kahagapon sa buntag.
“One of the themes for this celebration is confession. The desire to be holy starts with awareness. The start to a holy life is admission that we are sinners,†si Palma namulong atol sa iyang wali ug niawhag sa mga Katoliko sa pagkumpisal labi na ning Semana Santa.
“( I)f we realize that we are weak, fragile human beings, and that we are sinners then we appreciate the love and mercy of the Lord and I think that’s the whole theme, which is of course, very real and to me is a call for today’s times,†matud sa Arsobispo.
Sobra sa 20 ka pari ang miduyog sa maong misa agi’g pagsaulog sa kapistahan ni San Pedro Calungsod kansang adlaw gibalhin sa mas sayong petsa tungod kay ang orihinal nga paghandum sa iyang kamatayon natumong man sa Easter octave, duha ka adlaw gikan sa pagsaulog sa pagkabanhaw ni Kristo.
Miduyog sa misa ang nabantog nga deboto ni Calungsod, ang Mandaue Children and Youth Choir nga miadto gyud sa Roma aron sa pagtambong sa kanonisasyon ingon man sa National Thanksgiving Mass dinhi sa Sugbo sa niaging tuig. Gatusan ka mga deboto ang mihugop sa kapilya sa Archdiocesan Shrine of San Pedro Calungsod sulod sa Archbishop’s residence compound aron personal nga saksikan ang makasaysayanong pista.
Si shrine rector Msgr. Ildebrandro Leyson mibutyag nga ang “miracle woman†kansang milagro mao’y nahimong basehan nga ang batan-ong martir mibisita sa usa sa mga novena mass.
“She came here during one of our novena masses. But I was not able to talk to her longer because I was busy then,†si Leyson namahayag. Siya midugang nga padayong gihangyo sa maong babaye nga magpabiling sekreto ang iyang identity bisan sa mga report nga ibutyag na kung kinsa kini human sa kanonisasyon.
Ang maong babaye miingon nga dili siya gusto nga tapuk-an sa media kay basin makalimot na ang mga tawo sa Bisayang Santo ug adto na mag-focus sa iyang estorya, matud ni Leyson. (BANAT NEWS)
- Latest
