CEBU, Philippines - Onse ka mga tawo ang nabalhog sa prisohan sa Philippine Drug Enforcement Agency (PDEA-7) human sa pagronda sa usa ka drug den sa sitio Kawit, barangay Ermita sa siyudad sa Sugbo.
Ang mga nasikop mao silang Dax Keary Ag-ag nga giingong maoy namaligya; Eleuterio Rivera alyas Mommy nga giingong tag-iya sa drug den; ug kaubanan niini nga silang Ronilo Elcano ug Nestorio Luvite. Nasikop usab ang laing pito ka tawo nga diha sa drug den nga sila si Anamae Alicabo, Romero Del Puerto Jr., Raymundo Batac, Argie Nadela, Richard Torreon, Marina Cosedo, ug Jose Johnjay Cenabre.
Sa nasayran ang mga sakop sa PDEA-7 nakadawat og taho kalabot sa giingong drug den sa maong dapit hinungdan sa pagpahigayon og buy-bust operation batok ni Ag-ag.
Dugang impormasyon nga nakuha sa operatiba sa PDEA-7 mao nga adunay giingong “Mommy†nga gikatahong nag-operate sa drug den nga maoy nakaaghat kanila sa pagpahigayon og operasyon batok niini sa maong gihapong higayon.
“The information received states that a certain Mommy maintains drug dens in a compound located near a local university,†tipik sa impormasyon nga nakuha sa operatiba.
Nasakmit sa mga sakop sa PDEA-7 ang gibana-banang mokabat sa .9 gramos nga gituohang shabu. (BANAT NEWS)