Ex-con gipusil patay

CEBU, Philippines - Patay ang usa ka batan-ong lalaki nga napriso na kaniadto tungod sa ginadiling drugas human gipusil sa duha ka armadong lalaki nga nagsakay og motorsiklo sa miaging gabii sa sitio Seaweeds sa barangay Pusok, dakbayan sa Lapulapu.

Ang namatay mao si Rodel Morrata Almonicar, 20. Duha ka mga lalaking nagmotor maoy mipatay sa biktima nga yano kaayong namiya sa dapit human sa hitabo.

Matud pa  ni PO3  Luisito Ernie sa Homicide Section gikan nga nagpalit og pan ang biktima ug naglakaw pauli  dihang kini gilabyan sa mga killer ug gipaulanan og bala. Ang agalon ni Almonicar nga si Staff Sergeant Anthony Orias miingon nga napriso kaniadto ang biktima tungod sa illegal drugs. (BANAT NEWS)