Binghay nasagmuyo sa iyang pag-umangkon

CEBU, Philippines - Nasagmuyo si  Cebu Third District Representative Alex Binghay sa pagpakig-atbang sa iyang pag-umangkon nga si Balamban Councilor Dave Karamihan sa iyang asawa nga si incumbent Balamban Vice Mayor Rose Binghay.

Ang kasagmuyo ni board member Binghay iyang gipadangat  sa mga kapitanes sa lungsod sa Balamban sa gipahigayon nga binuwan nga tigum sa Association of Barangay Councils sa  Aliwanay Barangay Hall.

Gani miingon si Binghay nga nakahuna-huna na unta siya sa pagsibog sa iyang kandidatura pagka-representante sa hunta probinsyal sa Sugbo gumikan sa nahisgutan nga kalamboan sa politika sa lungsod sa Balamban.

Dugang pa niya  nga iya unta nga gihangyo ang iyang pag-umangkon sa dili pagpadayon pagpakig-atbang ni Vice Mayor Rose Binghay apan wala kini mopatalinghug kaniya.

Miingon si Binghay nga tungod sa mga taga tersero distrito nga naglakip sa mga taga Balamban iyang ipadayon ang  iyang pag-alagad  sa iyang katapusan nga termino  sa iyang distrito.( WC)  (BANAT NEWS)