CEBU, Philippines - Grupo sa Liberal Party gipasumitir og statement of expenditures sa gipahigayong rally niini sa milabay’ng semana.
Kahinumduman nga ang grupo sa LP sa national pinangulohan ni Presidente Benigno Simeon Aquino III ang nagpahigayon og proclamation rally diha sa Tabunok Sports Complex niadtong Pebrero 19.
Si Talisay City Councilor Romeo Villarante, kinsa maoy usa sa mi-facilitate sa rally nagkanayon nga P155,600 ang nagasto sa grupo.
Ang ubang naglangkub sa maong gasto mao ang kuryente, abang sa sound system, bangko, 12 ka tents apan dunay usa ka tent nga aircondition nga ilang giabangan apan wala makagamit.
Si Talisay City Comelec officer, Corazon Moran nagkanayon kini nga ang LP nakasumitir na kini sa ilang “notice of public rally†nga usa sa mga rekisitos sa pagpahigayon og rally ug nakapakita na kini sa draft sa ilang nagasto.
Niadtong Pebrero 12, 2013 nagsugod na ang pagpangampaniya sa national nga mga kandidato ug karong Marso 29, 2013 magsugod ang pagpangampaniya sa lokal nga mga kandidato. (BANAT NEWS)