CEBU, Philippines - Ang mga konsehal sa dakbayan sa Sugbo miapil karon pag-awhag ni Presidente Aquino ug sa Bangko Sentral ng Pilipinas nga wad-on na ang bayad sa pagkobra og kwarta pinaagi sa Automated Teller Machines (ATM).
Si Konsehal Alvin Dizon mihulagway nga daghan kaayo ang makabenepisyo kun did-an na ang tagdumala sa mga banko nga magpabayad og tag P5 sa matag transaksyon diha sa Automated Teller Machines.
Pananglit ang usa ka tawo dunay kwarta nga P500 sa banko, dili niya kini makuha ang kinatibuk-ang kantidad kay ibanan pa man sa ATM og P5.
Si Kongresista Anthony Golez sa Bacolod maoy miduso og resolusyon didto sa Kongreso aron mahunong na kining pagpabayad sa mga banko sa mga mogamit sa ilang ATM.
Matud ni Kongresista Golez nga dunay mga banko nga mosingil og bayad apil ang mga “payroll accounts†diin ang mga sweldo sa yano nga kawani gipaagi sa banko.
Nagtoo si Golez nga ang Bangko Sentral ng Pilipinas nga maoy nagsuperbisar sa mga banko makahimo sa pagpagaway og kamandoan nga mahunong na kining maong kalihukan.
Ang Cebu City Council miawhag sa tagdumala sa Bangko Sentral ng Pilipinas dinhi sa Sugbo nga mopagawas sila og baruganan nga suportahan ang awhag ni Kongresista Golez. (BANAT NEWS)