CEBU, Philippines - Adunay usa ka gatos na nga mga pilot centers ang namugna sa nagkadaiyang probinsiya sa nasud apil na ang Sugbo aron sa pag-duplicate sa mga livelihood centers o green social enterprises nga gipasiugdahan ni kanhi Las Piñas Congresswoman Cynthia Villar.
Dinhi sa Sugbo, matud pa ni Villar nga nahinabi sa Banat News, ilaha na ning gisugdan sa Camella Homes sa siyudad sa Talisay diin dunay composting site.
Ang composting site maoy han-ukanan sa mga lamaw sa tagsa-tagsa ka mga balay sulod sa Camella Homes ug kining mga lamaw tigumon ug himoong fertilizer.
"Kesa itapon, mapaki-kinabangan pa at mabigyan pa natin ng livelihood yung mga grupo na nangungolekta," matud pa ni Villar.
Ang Villar Foundation, diin siya ang managing director, maoy mohatag sa composting machine ug ingon man skills trainings sa mga buot moapil sa maong livelihood nga programa.
Nanghinaot siya nga modaghan pa ang mga livelihood centers sa tibuok nasud pinaagi sa ilang foundation aron mas daghan pa ang makaangkon og trabaho ug panginabuhian.
Si Villar, kinsa gibansagan nga “Misis Hanep Buhay,†nakahatag na og panginabuhian sa sobra 500 ka mga pamilya sa Las Pinas ug hangtud karon nagpabilin pa kini.
“So I thought I should share these experiences with other communities all over the country,†matud pa ni Villar, kinsa nahimong kongresista sa maong lugar sulod sa siyam ka tuig.
“I thought this will be my opportunity to expand the reach of my livelihood projects. I want to make a lot of difference in people’s lives. Because the Philippines has 1,600 cities, we still have a long way to go,†matud pa ni Villar. Gawas sa composting programs dunay water lily products making, coconut factory ug blanket weaving programs ang grupo ni Villar nga nahimo gihapong source sa income. (BANAT NEWS)