CEBU, Philippines - Aron mahunong na ang sirkulasyon, paghimo og mga kopya ug pagbaligya sa mga sex video scandal sa duha ka tinun-an midangop ang babaye sa maong video ngadto sa NationaI Bureau of Investigation (NBI)-7 kagahapon.
Ang University of San Jose Recoletos Vice president for academics Rev. Fr. Amado Emmanuel Bolilia miingon nga ang 24-anyos nilang tinun-an midangop sa NBI aron mopasaka og kaso batok niadtong mga nag-upload sa video diha sa mga social networking sites.
Matud pa niya ang mismong inahan sa tinun-an desidido gyud nga makasohan ang mi-upload sa maong video ug buot usab nilang mahunong na ang pagdaghan pa sa mga kopya niini ug pagpamaligya niini.
“…At least to put a stop into this I believed the bureau has all the mechanisms and facilities to track down the guy who uploaded this video. We are confident that this will help to close the issue,†matud pa ni Bolilia.
Midugang si Bolilia nga ang mismong mga tinun-an sa USJR ug inahan sa babaye maoy nangusog nga maduso ang reklamo.
Samtang gibutyag ni Bolilia nga walay komunikasyon ang USJR sa tunghaan kung diin magtungha ang lalaking uyab diha sa sex video.
Apan nagpasalamat ang USJR sa pagpagawas og pamahayag sa University of Cebu, ug ubang mga tawo nga mipadayag og suporta sa ilang pagpatawag og press conference aron atubangon ang eskandalo ug pagtabang ngadto sa ilang tinun-an.
“We have no knowledge of who upload, we have no mechanism to track it down,†matud pa ni Bolilia.
Tabangan usab nila ang tinun-an alang sa psychological, legal ug academic assistance.
Matud pa niya dili na mo-report pa ang tinun-an sa tunghaan apan adunay espesyal nga arrangement silang himuon aron makapadayon kini sa pagtungha bisan dili na mosulod pa sa klase. Si NBI Regional Director Antonio Pagatpat miingon nga dunay duha ka NBI agents nga gitahasan aron maoy motutok sa imbestigasyon.
Matud pa ni Pagatpat limitado ang mga gamit dinhi sa NBI apan magpatabang sila didto sa Manila.
Si Atty. Inocencio dela Cerna kinsa maoy unang mitabang sa biktima nalipay sa mga pagtabang nga nadawat sa maong tinun-an ug karon ilaha nang ihatag ang pagtabang sa maong babaye sa tunghaan niini. (BANAT NEWS)