Kawani sa Comelec nadakpan sa gun ban
CATBALOGAN CITY, SAMAR, Philippines – Usa ka kawani sa Commission on Elections sa Samar ang gidakop sa kapolisan tungod sa pagpabuto og armas.
Ang gidakop mao ang 46-anyos nga si Pedro Sugalan, alyas “Peterâ€, utility worker sa Comelec-Samar Provincial Office. Sumala pa dunay mga concerned citizens nga mireklamo sa kapolisan tungod sa nadungog nga “butobuto†nianang gabii duol sa Comelec office sa Old Justice Building sa Curry Avenue sa Catbalogan City.
Sa pagsusi sa kapolisan sa maong lugar ilang naabtan si Sugalan ug nakuhaan og usa ka .25-caliber pistol, nga may markang Phoenix Arms Ontario ug may serial no. 4163916, uban sa usa ka magazine ug unom ka bala. Nakuha usab sa kapolisan diha sa dapit ang duha ka basiyo sa bala.
Sa gipagawas nga pamahayag ni Police Regional Office-8 director, Chief Supt. Elmer Soria nga ang pagkadakop sa kawani sa Comelec nagpakita lang nga walay gipaboran ang pagpatuman sa “gun ban policy†tungod sa umaabot nga piniliay. Si Sugalan gipasakaan og kasong paglapas sa Section 32 sa RA 7166 in relation to Comelec Resolution Number 9561-A. Nakabutang hinuon siya og piyansa nga P12, 000. (sa The Freeman/EIM) (BANAT NEWS)
- Latest
