CEBU, Philippines - Patay ang usa ka 27-anyos nga promodiser human kini pusila sa duha ka mga lalaki nga nagsakay og motorsiklo kagahapon sa buntag samtang paingon sa mall nga iyang gitrabahoan.
Ang biktima giilang si Jeboy Papillero, lumad nga taga barangay Lutopan, dakbayan sa Toledo apan temporaryong nagpuyo diha sa barangay Tabok, dakbayan sa Mandaue nakaangkon og samad pinusilan sa iyang ulo.
Si PO1 Restituto Raboy nagkanayon nga gituohan nga dunay kalambigitan sa ginadiling drugas ang maong hitabo. Ang mga polis dunay nabasang mga mensahe sa text diha sa cellphone sa biktima hinungdan sa ilang katahap nga dunay kalambigitang sa ginadiling drugas ang maong pagpamusil.
Mga alas 3:42 sa kaadlawon kagahapon si Papillero nakadawat og mensahe sa text nga nagkanayon “pagbantay-bantay unya Boy kay lahi baya ko maningil†and Boy, basta ako na gani ang tablahon sa butang nga gikuha, maningil dyud ko. Karon paninglan na lang dyud taka sa pamaagi nga di nimo mauyonan.â€
Mga alas 6:17 sa buntag kagahapon, pila ka minuto sa wala pa mahitabo ang pagpamusil si Papillero nakadawat og laing mensahe sa text nga nagkanayon “unta og mokuha og butang kabawo ka mobayad. Tuga-tuga ka og tulod anang butang ig human imo ra kong tablahon. Karon paninglan ka, gahi ka, aw lahi diay nga paningil imong gusto.â€
Si Raboy nagkanayon usab kini nga si Papillero giingong nalambigit na kini sa ilegal nga drugas dihang nagpuyo kini kaniadto diha sa dalan B. Rodriguez, dakbayan sa Sugbo. (BANAT NEWS)