Miluba sa silingan gikasohan na

CEBU, Philippines - Kasong frustrated murder maoy atubangon sa usa ka tawo  nga taga  barangay Maribago, sa dakbayan sa Lapulapu kinsa  maoy suspetsado sa pagpanunggab sa silingan nga gipareglahan niini  sa miaging gabii.

Ang mag-atubang sa maong kaso mao si Emie Tapan  kinsa  gisuspetsahan  sa pagluba  kang  Noel Bacalla, hingkod,  nga  silingan ra usab  niya.

  Segun  sa gitug-an  sa biktima ngadto kang  SPO1 Allan Amodia sa Lapulapu City  Police  Station nga naglakaw  siya  pauli sa  ilang balay  dihang kalit lang  siyang  gisugat  sa  suspetsado nga nagdala og kutsilyo ug dayongidunggab  siya  niini.

  Si SPO1 Amodia miingon nga human sa maong pagdunggab dali nga milayas pahilayo sa maong dapit ug gibiyaan ang biktima nga nagping-it sa kasakit sa samad dinunggaban sa iyang bukobuko.

Dugang pa ni SPO1 Amodia nga dali nga nakapangayo og  tabang ang biktima sa mga tawo nga nahiagi sa maong dapit kinsa mao usab ang nagdalakaniya ngadto sa Lapulapu City Hospital.

Si SPO1 Amodia miingon nga human matambali  sa mga doktor sa  maong  hospital  gibalhin  usab  kini  sa iyang  mga tagtungod  ngadto  sa  Vicente Sotto Memorial Medical Center sa dakbayan sa Sugbo. Sa pagkakaron  padayon  pang  gipangita sa kapolisan  ang  suspetsado. (BANAT NEWS)