Impostor sa Veco priso

CEBU, Philippines - Duha ka mga impostor nga nagpailang mga kawani sa Visayan Electric Company (VECO) ang gidakop tungod sa pagpangilad og customer sa VECO sa barangay North Poblacion sa siyudad sa Naga niadtong Martes sa alas 5:20 sa hapon.

 Angmga suspek mao sila si Renante Abellana, 30, minyo, nga taga barangay Lagtang, siyudad sa Talisay ug John Bacus, 23, ulitawo,  nga silingan  ni Abellana

Samtang  usa  sa  mga  gibiktima sa  maong  mga  suspetsado mao  si  Renato Abayan, 49, minyo,  nga  taga  Lagtang ra usab.

Si PO2 Ronjie Nadora sa Naga City Police Station mibutyag  sa Banat News nga  ang duha ka mga suspek miadto sa pinuy-anan sa biktima ug  nagpaila nga mga trabahante  sila sa VECO ug  gani  nagsul-ob  sila  og  senina  nga  kolor gray nga dunay tatak nga VECO ug mipasangil  nga inspector sila  sa  mga kuwentador  sa Vecobusa  inspectionon  nila  ang kuwentador  sa  biktima.

Human  nila  og  inspection, gikuwestiyon  nila  ang  biktima kay  wala  kunoy silyo  ang  kuwentador  niini  ug  dayon  gihadlok  angnaulahi nga  kun dili  mohatag  og  P1,000  ilang  isumbong  sa opisina  aron pahamtangan  kini og  dakong  multa  o kaha  mapriso

Tungod  kay  nagduda  ang  biktima, iya  kininggisumbong  sa polis.

Diha-diha gisikop  dayon  sa kapolisan ang  maong  mga suspetsado  ug karon nagtingkagol  na  sa prisohan  samtang gihikay  ang kasong ipasaka batok  kanila. (BANAT NEWS)