CEBU, Philippines - Milampos ang mga doktor sa pagtangtang sa bala nga mi-ungot sa tangkugo ni State Prosecutor Ma. Theresa Casiño.
Matud pa nga si Casiño gibutang na sa recovery room human kini ma-operahi kagahapon sa buntag sa usa ka pribadong tambalanan human sa kinse ka adlaw nga pagka-confine niini.
Sumala pa ni Regional State Prosecutor Fernando Gubalane sa The Freeman ang operasyon ni Casiño malampuson. Kini gisugdan alas-7 sa buntag ug natapos alas-10 na sa buntag.
Si Casiño gipusil sa napatay usab nga Canadian nga si John Pope niadtong Enero 22, 2013 samtang ang piskal padung sa Municipal Trial Court in Cities (MTCC) Branch 1.
Matud pa ni Gubalane wala pa sila masayod kung hangtud kanus-a sa maong tambalanan si Casiño. “Nobody knows mag-agad ra sa health ni Fiscal Casiño,†matud niya.
Usa ka Santos nga Misa ang gihimo alas 11:30 sa buntag kagahapon diha sa Cebu City Prosecutor’s Office nga gi-preside ni Fr. Luigi Martinez nga pahinungod alang sa malampusong resulta sa operasyon ni Casiño. (BANAT NEWS)