Ulitawo’ng guwang gipasanginlang nangamang
CEBU, Philippines - Nabalhog sa karsel sa kapolisan sa isla sa Bantayan ang usa ka 51-anyos nga ulitawo human kini pasanginling nangamang sa usa ka 15-anyos nga dalagita niadtong Martes sa buntag.
Ang suspetsado gidakop sa mga polis human ang biktima ug ang apohan niini mi-report kabahin sa maong insidente.
Si PO3 Mesyel Ducay sa Women and Children’s Protection Desk sa Bantayan Police Station mibutyag sa Banat News nga giingong ang suspetsado mikamang ngadto sulod sa pinuy-anan sa biktima lahos sa nahimutangan sa dalagita ug gihikap-hikap ang pribadong bahin sa lawas niini.
Base usab sa imbestigasyon ni Ducay nga giingong buot usab untang lugoson sa suspetsado ang dalagita.
Apan maayo na lang gani kay nakalingkawas ang biktima gikan sa suspetsado ug nakapangayo kini og tabang.
Ang suspetsado giingong dali kining misibat dihang nangayo na og panabang ang dalagita.
Ang kapolisan mga alas 6:30 sa hapon niadtong Martes mipahigayon kini og hot pursuit operation batok sa suspetsado ug nasikop kini diha sa iyang pinuy-anan.
Ang suspetsado gikatakdang pasakaan og kasong kalapasan sa Akta Republika 7610 kon “child abuseâ€. (BANAT NEWS)
- Latest
