CEBU, Philippines - Ang pagdeklarar sa kagamhanan sa lungsod sa Dumanjug kang acting governor Agnes Magpale nga persona non grata wa hatagi og gibug-aton sa hingtungdan.
Si Magpale sa iyang pamahayag miingon nga dili kalikayan ang gibati sa mayor sa Dumanjug nga masakitan kun makakita sa dagway sa kasamtangang gobernador kay igsoon siya sa suspendidong gobernador Gwendolyn Garcia.
Sayo niini mipalabang og usa ka resolution ang Sangguniang Bayan sa Lungsod sa Dumanjug nga nagdeklarar nila ni Vice Governor Agnes Magpale ug 6th district board Member Arleigh Jay Sitoy nga Persona Non Grata.
Matud pa ni Mayor Nelson Garcia nga wala makauyon ang mga taga lungsod sa Dumanjug sa ilang gibuhat ngadto sa anak sa Dumanjug nga si suspended governor Garcia.
Si Mayor Garcia kinsa presidente usab sa League of Municipalities of the Philippines Cebu Chapter nagkanayon nga dili na sila gustong makakita pa sa dagway ni Magpale ug Sitoy didto sa Dumanjug.
Hinuon kun manghatag si Magpale sa gasa alang sa mga barangay health worker, ila pang tun-an kun angay ba kining dawaton sa mga hingtungdan. (BANAT NEWS)