CEBU, Philippines - Gipanghakot na sa kapolisan ang mga placard nga gibutang sa daplin sa ganghaan sa buhatan ni suspended Governor Gwendolyn Garcia kagahapon sa alas 4:30 sa hapon.
Ang nanghipos sa maong mga placard mao ang mga kapolisan nga nagbantay sa palibot sa Kapitolyo.
Nasayran gikan ni James Gallarde, usa sa mga kawani sa Kapitolyo nga ang mga nanghipos sa maong mga placard mga membro sa Presidential Security Group uban usab sa mga sakop sa Regional Public Safety Battallion nga gipangunahan sa ilang ground Commander nga si Supt. Leopoldo Cabanag.
Si Gallarde nagkanayon nga igo lang naghinan-aw si Cabanag dihang gihakot sa iyang mga sakop ang mga placard.
Pipila sa maong mga placard may nawong ug dagway ni Magpale nga gipaubanan og mga pulong nakapainsulto sa kasamtangang gobernador nga mugna sa mga loyalista sa suspendidong gobernador. (WC)(BANAT NEWS)