Oplan Katok hingusgan sa PNP
CEBU, Philippines - Aron pagsigurong mapahigayon ang hapsay nga 2013 election, hingusgan na sa Regional Police Office (PRO)-7 ang pagpatuman sa "Oplan Katok" batok sa mga nanag-iya og armas nga wala ma-renew ang lisensiya ug niadtong mga tawo nga nahibaw-ang nanag-iya og mga armas nga walay lisensiya.
Kini subay sa direktiba ni PNP Chief Alan Purisima ngadto sa tanang regional offices sa tibuok nasud human niya makita nga ang armas usa sa numero unong gamiton sa paghimo og krimen.
Giawhag ang tanan sa pag-renew sa lisensya sa ilang armas sa wala pa ang election gun ban karong Domingo aron matud pa dili mapahamtangan og kasong illegal nga paghupot og armas.
Si Chief Supt. Marcelo Garbo Jr., hepe sa PRO-7, mibutyag nga tuktukon gyud nila kadtong nanag-iya og armas aron pahinumduman sa ilang mga obligasyon.
“Pupuntahan talaga namin ‘yan at kakatokin dahil kung hindi sila mag-comply, the regional office will make necessary action against these people,†matud ni Garbo.
Sa record sa Firearms Explosives Security Service Agencies and Guard Supervisory adunay 71, 763 ka mga rehistradong pusil sa tibuok rehiyon. Mas daghan kini karong bulana kun itandi sa 68, 983 niadtong Oktobre sa miaging tuig.
Ang gidaghanon usab sa mga wala ma-renew nga lisensya mikunhod karong buwana nga aduna lay 20,964 kun itandi gihapon niadtong Oktobre nga 21, 592.
Ang kapolisan padayong naniid sa mga private armed group sa tibuok nasod.
Samtang gimando ni Purisima ang pag-umol og Regional Election Monitoring Action Center, lakip na ang paghingusog sa checkpoints, Oplan Sita, ug Oplan Bakal. (/EIM) (BANAT NEWS)
- Latest
