CEBU, Philippines - Usa sa mga most wanted sa Central Visayas nga gipasanginlang usa sa mga mi-ambush patay sa pito ka mga tawo sa La Libertad, Negros Oriental niadtong tuig 2007 ang nadakpan sa Barangay Maria Cristina, Baloi, Lanao del Norte niadtong Biyernes.
Ang nadakpan mao si Fernando “Boy Sanoy†Dorimon, 44, kinsa gidakop sa hiniusang pwersa sa Regional Intelligence Branch, Lanao del Norte Provincial Police Office ug Baloi Municipal Police Station.
Si Dorimon adunay patong sa ulo nga P300,000 sumala pa sa report sa Balitang Bisdak kagahapon.
Armado sa warrant of arrest sa kasong multiple murder ug multiple frustrated murder nga gipagawas ni Judge Mario Trinidad, presiding judge of 7th Judicial Region, Branch 64 sa Guihulngan, Negros Oriental, gidakop si Dorimon sa iyang gitagoan.
Matud pa nga si Dorimon nasigpatan sa RID-PRO-9 human mokatap ang mga tabi-tabi o tsismis kabahin sa iyang mga ngilngig nga kaagi didto sa Negros Oriental diha sa iyang gitagoang lugar.
Tungod sa maong mga impormasyon gisusi sa lokal nga kapolisan kung duna bay rekord sa RID-PRO-7 si Dorimon ug diha nila nakompirmar nga tinuod diay ang maong tabitabi.
Si Dorimon gilambigit sa pag-ambush patay kang Aya Barangay Captain Lydio Baylon, Rudy Maxilom, Edin Elod, Mitchille Galleposo, Judy Tuble, George Naata ug Nonoy Naata.
Naangol sa maong ambush si Jorlan Baylon, Edencito Beli-ot, Julito de la Cruz, Ignacia Salimbagat, ug Amaida Facturan.
Ang mga biktima gi-ambush diha sa Barangay Manluminsag, sa La Libertad niadtong Marso 9, 2007 samtang luwan sa usa ka trak nga gipanag-iya sa munisipyo sa La Libertad padulong sa Barangay Aya. Giingong mga supporter sa usa ka kongresista ang mga biktima.
Si Dorimon miangkon hinuon sa maong pasangil batok kaniya apan kini miinsister nga usa ka Sandalo “Randy†Mongolore, kinsa nagtingkagol na sa Negros Oriental Provincial Jail maoy mi-recruit kaniya bugti sa bayad aron himoon ang krimen.
“Iyang ingon nako nga kung madayon ang misyon naay kwarta kuno pero walay klaro og pila,†matud niya sa mga tigbalita.
Matud pa niya kaniadto pa siya gustong mopauli sa Negros aron mo-surrender apan wala siyay kwartang ika-plete.“Plano nako mu-surrender pero wa lang koy plete pabalik og La Libertad.â€
Gawas kang Mongolore, laing mga suspek ang giila nga sila si Wilfredo Arellano, nga taga Barangay Mahulyawon, William Paunilian sa Manluminsag, ug usa ka Tikyo Manait, nga taga Manluminsag ang padayong gipangita. Samtang wala pa mailhi ang ubang mga nalambigit sa maong kaso.
Sumala pa ni Sr. Supt. Louie Oppus, deputy regional director for operation, si Dorimon sakop sa gun-for-hire group sa Negros Oriental. Gidudahan niyang ang grupo ni Dorimon maoy gamiton sa mga politiko panahon sa election.
“Maningkamot mi nga masugpo ni and we will get all wanted persons in our AOR (Area of Responsibility) hindi na natin hintayin na titira pa sila ulit,†matud pang Oppus. (Ria Mae Booc sa The Freeman/EIM) (BANAT NEWS)