CEBU, Philippines - Mipadayag sa iyang mainitong pasalamat si Regional Director Ma. Evelyn Macapobre sa Department of Social Welfare and Development (DSWD) 7 ngadto sa mga media practitioners sa Central Visayas tungod sa walay puas nga paggahin niini og kusog pinaagi sa paghatod ngadto sa publiko og impormasyon kalabot sa mga programa ug serbisyo sa ilang departamento.
“All the past years, the media was very instrumental in achieving successful implementation and delivery of services and programs of DSWD Field Office 7,†matud ni Macapobre.
Matud pa ni Macapobre nga sa miaging pipila ka mga katuigan, ang tinubdan sa media maoy labing nag-unang kahimanan nga mihatod sa malampusong programa ug serbisyo sa DSWD Field Office 7 ngadto sa publiko.
Dugang pa niya nga ang tinubdan sa media takos nga mitabang sa ilang opisina sa pagtubag sa mga pangutana gikan sa publiko ilabi na ang kalabot sa kinauyukang programa sa DSWD sama sa Pantawid Pamilyang Pilipino Program, Kapit Bisig Laban sa Kahirapan-Comprehensive and Integrated Delivery of Social Services (Kalahi-CIDSS), Sustainable Livelihood Program (SLP) ug ang National Household Targeting System for Poverty Reduction (NHTS-PR).
“The media is DSWD’s primary partner in development work. In rare instances that the media had called the attention of DSWD had helped the social welfare agency improve its services and programs,†kini ang giluwatan pang pamahayag ni Macapobre.
Gipanghinaot ni Macapobre nga ang lig-on nga suporta sa tinubdan sa media magpadayon pa unta hangtod na sa sunod nga direktor sanglit ibalhin naman siya ngadto sa DSWD-6 o Western Visayas.
Si Director Mercedita P. Jabagat nga gikan sa DSWD-Caraga mao na unya ang mohulip kang Macapobre sugod karong Enero 11 ning tuiga. (/WC) (BANAT NEWS)