Koreana, gilugos sa Koreano!
CEBU, Philippines - Usa ka Koreana ang mireklamong gilugos sa miaging adlaw sa higala niini nga usa usab ka Koreano diha sa ilang balay sa Brgy. Banilad dakbayan sa Mandaue.
Ang 39-anyos nga biktima mitumbok sa higalang 60-anyos nga Koreano ra usab nga residente sa Hi-way II sa barangay Talamban sa dakbayan sa Sugbo nga misuway og lugos kaniya.
Matud sa biktima nga giimbitar niini ang suspek alang sa usa ka panihapon sa iyang panimalay ug nag-inom sila niini.
Human sa ilang inom, gilimpyuhan sa biktima ang ilang mga katag ug gipatulog niini ang suspek sa sala.
Sa pagtuong nakatulog na ang bisita misulod na sa iyang lawak ang biktima apan nakugang na lang siyang misunod ang suspek diha sa iyang lawak nga wala nay sapot sa kalawasan.
Una pa kini makapiog dihang gipatongan kini sa suspek ug gi-ipit ang duha ka kamot sa biktima ug gisuwayan siya og lugos, diha-diha misinggit ang ginang hinungdan na nakamata ang mga anak niini.
Ang suspek sa karatol mibarog kini ug midagan ug migawas sa balay samtang misumbong sa kapolisan ang ginang ug gidala kini sa Vicente Sotto Memorial Medical Center aron ipahiling.
Gipaabot pa sa kapolisan ang resulta sa eksaminasyon ug kung mopasaka og kaso ang biktima batok sa suspek. (Gianelli Ann Cañete. USJR Intern/EIM) (BANAT NEWS)
- Latest
