Radaza mibali wa sa petisyon batok niya

CEBU, Philippines - Wala maapektohi si Lapulapu City Mayor Paz Radaza sa signature campaign o petition nga gipakatap sa mga residente sa Brgy. Bankal ug Brgy. Pajac dakbayan sa Lapulapu gumikan sa guba nga kadalanan niini.

  Matud pa ni  Radaza   nga nakasabot  siya  sa   sentimento sa katawhan sa maong mga  barangay   nga  mibasol kaniya  sa kalangay sa pagpaayo sa ilang kadalanan.

Gumikan niini   gisaad  ni  Radaza  nga sa unang semana sa  Enero  2013 sugdan na ang pagpasemento sa maong dapit human mohatag   og gahin ang Department of Public Works  and  Highways (DPWH) alang sa pagpaayo sa dalan sa  Bankal ug Pajac.

Lakip  sa karsada  nga ayohon  gawas  sa Bankal  ug Pajac mao  ang sa   Brgy. Maribago,  Agus ug Marigondon nga  gigahinan  usab  sa congressional  fund ni Cong. Arturo “Boy” Radaza. 

Gipasabot ni Mayor Radaza   nga  ang sad-an  sa kalangay  sa trabaho sa pagpaayo sa crossing  sa  Marigondon   mao  ang DPWH  ug  dili  ang  kagamhanan  sa dakbayan  sa Lapulapu.

Busa  alang  kaniya  dili  siya  maoy  han-okan  sa pagbasol  sa  mga  molupyo  kundi  ang  DPWH  gumikan  sa giingong  kakuwang  sa pundo  niini  alang  sa maong   proyekto.

. Misaad  ang  mayor  nga  sa  dili pa mahuman ang iyang termino hapsay na ang mga kadalanan sa dakbayan sa Lapulapu.

Matud   pa  niya  nga  makatarunganon  lang  nga ayohon  ang  mga dalan  sa Lapulapu  kay  tourist  destination  kining  maong dakbayan. (WC) (BANAT NEWS)