Pag-certify nga ‘urgent’ bill sa rh bill gisaway ni vidal
MANILA, Philippines - Wala makauyon si Archbishop Emeritus Ricardo Cardinal Vidal sa paghimo ni Presidente Benigno Aquino III nga ‘urgent bill’ ang kontrobersyal nga Reproductive Health Bill nga nag-ungot pa karon sa Kongreso.
Ang simbahan maoy numero unong supak sa maong balaudnon nga napasar na sa ikaduhang pagbasa diha sa Kongreso, tungod sa gihulagway niyang pagdasig niini sa katawhan ngadto sa imoralidad tungod sa mga probisyon niining giingong ‘anti-life.’
Matud pa ni Cardinal Vidal nga nasayod na ang presidente ug unsa ang angayan nga buhaton tungod kay dako na kini.
“Hes old enough to know what to do and let’s just see what happen to the future,” matud pa ni Cardinal Vidal.
Atol sa iyang wali sa Misa de Gallo diha sa Cebu Catholic Television Network (CCTN) chapel kagahapon, iyang giangkon nga adunay kaakohan ang tawo sa iyang trabaho.
Apan dili kinahanglang kalimtan o isalikway ang pagtulun-an sa Diyos ug mas hatagan pa hinuon og gibug-aton ang kalibutanong kaakohan sa tawo sama sa mga pagbantay og mga balaod nga supak sa pagtulun-an.
“Fidelity to our duties means we cannot take for granted the duty that God has imposed on us responsible individuals and as members of society. Society cannot run by mere consensus, it must also refer to laws higher than the will of men,” matud pa ni Cardinal Vidal. (Lesley Caminade-Vestil) (BANAT NEWS)
- Latest
