CEBU, Philippines - Pormal nga gibuksan sa kagamhanan sa lungsod sa Balamban ang Pasko sa Balamban 2012 niadtong Miyerkules sa gabii ug gitambongan kini ni Gov. Gwendolyn Garcia.Pormal nga gibuksan sa kagamhanan sa lungsod sa Balamban ang Pasko sa Balamban 2012 niadtong Miyerkules sa gabii ug gitambongan kini ni Gov. Gwendolyn Garcia.
Kauban sa gobernador sa naasoy nga kalihukan mao ang duha ka mga representante sa hunta probinsyal sa ikatulong distrito nga sila si Board Member Ian Zambo ug Board Member Alex Binghay.
Si Balamban Mayor Ace Binghay nagkanayon nga ikatulong tuig na nga gipahigayon ang nahisgutang kalihukan ug iyang gipasabot nga usa sa nag-unang katuyuan sa maong kalihukan mao ang paghatag og kalingawan sa taga lungsod sa Balamban ug ingon man ang paglambo usab sa turismo.
Gipangulohan ni Balamban Vice Mayor Rose Binghay ang dungan nga pagpasiga sa mga Christmas trees nga may gitas-on nga upat ka metros matag usa ug mga parol nga may height nga upat ka tiil nga nahimutang sa sports oval sa Balamban diin makita ang mga Christmas trees sa kabarangayan sa Balamban nga ginama sa indigenous ug recycled materials.
Ang labing taas nga christmas tree gidonar sa Tsuneishi Heavy Industries. Ug sugod Disyembre 17 hangtud Enero 1 adunay mga kalingawang giandam diha sa bantawan sa Balamban Oval.
Ang kagamhanan sa lungsod sa Balamban pinaagi sa tourism office mipahigayon og indigay sa naasoy nga mga parol ug christmas trees.
Si Board Member Ian Zambo mipasabot usab sa gi-simbolohan sa kahayag hinungdan nga gipahigayun ang simultaneous up nga mao ang panaghiusa nga nagdala og kalambuan sa tanang taga Balamban. (/EIM) (BANAT NEWS)