CEBU, Philippines - Gipangita karon sa kapolisan ang usa ka katabang nga tulo pa lang ka adlaw nagtrabaho sa usa ka magtiayon sa dakbayan sa Lapulapu nga miunay og kawat sa balor P200,000 nga mga alahas ug kwarta.
Ang biktima mao si Ellen Barquez, 35, nagpuyo sa maong dapit apan ang nakapait angga lang nga “An-an” ang nailhan niini sa suspek nga tulo pa ka adlaw gikan niya gidawat nga katabang.
Si PO1 Immanuel Deraida sa Theft and Robbery Section sa Lapulapu City Police Office mibutyag sa Banat News nga didto sa merkado ang biktima nianang Biyernes sa gabii ug sa iyang pagbalik nadiskubrehan niyang wala na ang katabang lakip na iyang mga alahas nga bulawan ug kwarta.
Matud pa nga direktang nangaplay sa iyang balay ang suspect tungod sa paskin nga gibutang sa gawas sa gate nga nagkinahanglan kini og katabang. (EIM)(BANAT NEWS)