CEBU, Philippines - 1863—Natawo ang usa sa mga bayani sa Pilipinas nga si Andres Bonifacio sa Tondo, Manila niining petsaha. Si Bonifacio maoy mipadayon sa rebolusyon batok sa mga Katsila human gidakop sa mga Espanyol si Dr. Jose Rizal nga iyang kauban sa La Liga Filipina. Apan tungod sa kasungian sa grupo ni Bonifacio ug Gen. Emilio Aguinaldo nabahin sa duha ka paksyon ang mga Katipunero nga gitawag og Magdiwang ug Magdalo. Si Bonifacio gipadakop ni Aguinaldo ug gipapatay niadtong Mayo 10, 1897 sa Maragondon, Cavite.
Piratang Intsik
1574—Giatake ni Siocon ang Chinese military commander ilawom sa pagdumala sa piratang Intsik nga si Li-Ma-Hong ang Manila nga miresulta sa kamatayon sa Spanish Commander nga si Martin de Goiti.
Naigo sa meteor
1954—Sa talagsaong hitabo usa ka tawo nga taga Alabama USA ang naigo sa meteorite o bato gikan sa kawanangan. Ang unang naigo niini mao si Hulett Hodges. Ang maong meteorite may gidak-ong unom ngadto sa walo ka diyametro nga nakabuslot og tulo ka tiil nga gilapdon sa ilang atop. Hinuon gamay ra ang samad nga naangkon ni Hodges ug ang gikuha sa US Air Force ang maong bato apan midemanda ang pamilya nga kuhaon kini og balik kay ilang himuong souvenir. (BANAT NEWS)