One year na diay

CEBU, Philippines - Nagsaulog silang Luis Manzano ug Jessy Mendiola sa ilang first anniversary isip manag-uyab niadtong Domingo. Gipahimuslan sa duha ang long weekend pinaagi sa usa ka staycation didto sa usa ka hotel  saParañaque City.

Baby girl ang gisabak

Giklaro sa host nga si Pauleen Luna nga komedya ra to nila sa banang si Vic Sotto nga panganlan nila og Lebron ang gisabak nga anak niini kon lalaki kini, ug Jessica sab kon babaye. Bag-o lang gianunsyo sa duha nga babaye ang kamaguwangan nilang anak ug hangtod karon naghuna-huna pa sila sa ipangalan niini.

Nilugwa sa Pride March

Niapil sa 2017 Metro Manila Pride March and Festival si Superstar Nora Aunor isip pagsuporta sa Lesbian, Gay, Bisexual, Transgender, Queer (LGBTQ+) community. Gani, nihatag pa kini og speech atubangan sa bagang duot sa katawhan nga nitungha sa maong kalihukan. Gawas niana, gikuhaan sab og eksena ang aktres alang sa iyang upcoming movie mahitungod sa LGBT.

Surprise date

Gisurpresa sa Kapamilya teen actor nga si Joshua Garcia ang ka- love team niini nga si Julia Barretto pinaagi sa usa ka dinner date human kini bag-o lang nakagawas sa ospital niadtong Sabado. Gi-upload sa Instagram ang video atol sa ilahang date ug gisumsuman dayon kini sa ilang fans. Kahinumdoman nga gidala si Julia  sa St. Luke's Hospital sa miaging  semana apan wala gibutyag ang rason sa pagkaospital niini.

Gitago o wala?

Gibutyag sa aktres nga si Thea Tolentino nga wala niya gitago ang relasyon nila ni  Mikoy Morales. Dugay na nga nigawas ang isyu nga aduna silay relasyon apan wala gyud kini gikumpirma sa duha. Dugang pa niya, gawasnon sila nga mag-date sukad pa kay wala gyud sila nagtago-tago sa ilang relasyon.

Fil-Am sa Spider-Man

Giangkon sa Fil-Am actor nga si Jacob Batalon nga nakasyagit siya sa kalipay human siya gipahibalo  nga siya ang modala sa papel ni Ned Leeds, ang best friend ni Peter Parker kinsa gidala ni  Tom Holland sa  Spider-Man: Homecoming. “I was yelling and screaming and cheering.  I’ll never forget that feeling. But the satisfaction made it all worth the wait,” niya pa.

Hugyaw ka Liza!

Gibutyag ni Ogie Diaz nga gitanyagan unta og lead role ang iyang talent nga si Liza Soberano sa usa ka Hollywood movie apan wala kini nahinayon tungod sa kapuno sa schedule sa aktres. Dugang pa niya, giimbitar usab si Liza sa Netflix apan wala pa sila nihatag og kompirmasyon kay busy sila sa pagpangandam sa pelikulang Darna nga pagabidahan usab sa aktres.

Wala’y but-anay

Midepensa sa iyang kaugalingon ang Kapamilya host/actress nga si Anne Curtis ngadto sa mga bashers human kini nakadawat og pagpanaway gikan sa netizens mahitungod sa pagka-adik niya sa Korean drama series nga Goblin. “Everyone has their own kdrama or Kpop fan girl journey. So please don’t ruin mine,” paghot pa sa aktres.

Magpatukod og balay?

Nag-post sa iyahang Instagram account ang “La Luna Sangre” star nga si Kathryn Bernardo og usa ka hulagway nga aduna’y caption nga “Kathryn Bernardo Residence Concept Design Report.” Daghan ang nagtuo nga magpatukod ang aktres og  bag-ong balay.

Kevz

Dili mauwaw matod pa ang aktres nga si Loisa Andalio kon  tawgon siya  og bogo sa mga tawo tungod kay dili siya  bansay mosulti og ininglis. Dugang pa niya, nagdako gyud siya nga dili hilig mag-ininglis ug mas komportable siya mosulti og Tagalog kaysa sa Inglis.“Eh, ako naman talaga yon. Hindi talaga kasi ako ma-Ingles na tao. Sa taping nga kapag may lines ako na English, Tatagalugin ko na lang… mga ganyan.” (BANAT NEWS)