Na-missing nga mga langyaw nakit-an na

CEBU, Philippines — Nakit-an na ang  laing upat ka mga langyaw nga na-missing human sila nag day-hike sa Sitio Lunas, Barangay Malabo, Lungsod sa Valencia paingon sa Balinsasayao Twin Lake, Sibulan, Probinsya sa Negros Oriental.

Ang mga nakit-an mao sila si Wolfgang Schlenker, 67 anyos; Anton Chernov, 38 anyos; Aldwin Fink, 60 anyos ug si Terry, 50 anyos.

Nakit-an sila sa kapulisan sa Valencia Municipal Police Station, Provincial Disaster Risk Reduction and Management Office, Bureau of Fire Protection-7 ug mga volunteers sa Sitio Cantalina, Barangay Silab, Amlan, Negros Oriental ala 1 sa hapon kagahapon, Marso 22, 2025.

Kahinumduman nga unom ka mga langyaw ang na-report nga na-missing human ni-report ang ilang mga pares sa police station kay wala na nakabalik.

Gilusad dayon ang search and rescue operation ug niadtong Marso 21, 2025, Biyernes sa alas 10 sa buntag unang nakit-an ang duha ka langyaw nga sila si Alexander Radvanyi ug Torsten Martin Groschupp.

Matud sa hepe sa Valencia Municipal Police Station Lieutenant Donicko Angeles nga unang adlaw palang nagkabuwag-buwag na ang unom ka mga langyaw.  Kini tungod kay sila si Alexander Radvanyi ug Torsten Martin Groschupp gusto nga monaog ug mobalik sa agi.   Samtang ang upat nga uwahing na rescue nakadesidir nga motuyok pa gamay.

Apan giingong dili kabisado sa mga langyaw ang trail ug dili sab hiking area ang ilang nasum-okang lugar.

Nasuta sab gikan sa buhatan sa turismo sa lugar giingong wala sila nagkuha og permit aron mag hike ug wala sab sila nikuha og local guide.

"Nakakausap naman silang lahat pero marami silang sugat sa iba't ibang part ng katawan, dahil din siguro sa mga matinik na nadaanan nila. May isa na nahirapan na maglakad kaya nilagay po sa stretcher," matud ni Angeles. (BANAT NEWS)