Flight nalangan tungod sa bomb joke

CEBU, Philippines —

Ang duha daling gipugngan ug gipaubos sa kustodiya sa kapolisan.  Tungod niini, gipahibalo dayon ang tower personnel kinsa mipahibalo sa CAAP Security and Intelligence Service (CSIS) sa nahitabo.

Matud pa sa CAAP subay sa  standard safety protocols, ang piloto mi- request og dinaliang inspeksyon sa iyang eroplano apil na ang mga bagahe aron pagsusi kun dunay bomba.

Alas 12:43 sa udto dihang gipahibalo sa mga otoridad nga walay bombang nakita sa maong abyon, tanang pasahero ug crew gideklarar nga luwas ug gitugot na nga makabiyahe na pagusab ang maong abyon.

Ang CAAP mipahinumdom sa publiko nga dili magkomedya nga dunay bomba tungod kay seryuso kining kalapasan ubos sa Presidential Decree No. 1727, nga nagdili pagpangomedya og mga bomba sa mga publikong lugar ug mga sakyanan.

Ang makalapas niini mapriso og dili molapas lima ka tuig ug multa nga P40,000.00. (BANAT NEWS)