Ikaduhang Tourist Rest Area sa Bohol tukoron
CEBU, Philippines — Tukuron na sa Probinsya sa Bohol ang ilang ikaduhang Tourist Rest Area(TRA).
Anha kini tukuron sa makasaysayanong Blood Compact Shrine and Friendship Park sa Tagbilaran City, Probinsya sa Bohol.
Nasayran ang maong proyekto gipundohan sa Department of Tourism ug gipaabot nga himoong stopover site sa mga turista nga mobisita sa Bohol.
Ang maong proyekto maghatag og local livelihood sa mga taga Bohol diin dili lang kini alang sa mga turista nga gustong mopahulay ug malingaw apan mahimo sab kining display center sa mga produkto nga gihimo sa local entrepreneurs.
Nangulo sa ground breaking ceremony mao si Department of Tourism Secretary Christina Garcia-Frasco uban sa iyahang igsuon nga si Ako Bisaya Partylist second nominee nga si Carissa Garcia.
Sa nasayran ang Bohol una ng nipabarog sa Tourist Rest Area didto sa Isla sa Panglao alang sa mga turista nga mobisita sa maong isla.
- Latest
