Komprador og utanon nadakpan sa drug bust
CEBU, Philippines — Nadakpan sa mga operatiba sa PDEA Cebu Provincial Office ug Dalaguete Municipal Police Station ang usa ka high value individual atol sa ilang buy-bust operation sa Barangay Mantalongon, Lungsod sa Dalaguete niadtong Miyekules sa gabie, Marso 19, 2025.
Si PDEA-7 Acting Regional Director II Alex Tablate giila ang subject sa operasyon nga si alyas Juan, 39 anyos, vegetable broker/middleman, nagpuyo sa naasoy nga lugar.
Nasakmit atol sa operasyon ang upat ka putos sa gituohang shabu nga nitimbang og 80 gramos ug nagkantidad og P544,000, buy-bust money ug usa ka cellular phone.
Nadakpan na kini niadtong 2021 ang suspek tungod gihapon sa ilegal nga drugas ug naka probationary pag 2022.
Sa pikas bahin, padayong gipangusgan sa Police Regional Office (PRO)-7 ang ilang anti-drug campaign ug miresulta kini sa pagkasikop sa 62 ka drug personalities pinaagi sa intelligence-driven operations nga gilusad niadtong Marso 18, 2025 region wide.
Nasakmit sab sa kapulisan ang 273.36 grams nga shabu nga nibalor og P1.8 million.
Si PRO-7 Regional Director Brigadier General Redrico Maranan mitataw nga ang matag dakop ug pagsakmit sa ilegal nga drugas nagpakita sa hinay-hinay nga pagsumpo sa problema sa ilegal nga drugas sa rehiyon. (BANAT NEWS)
- Latest
