Top most wanted person sa Negros Oriental sikop

CEBU, Philippines — Usa ka 24-anyos nga lalaki nga nabutang isip top 2 most wanted person sa Probinsiya sa Negros Oriental nadakpan pinasikad sa warrant of arrest sa Barangay Poblacion, Sta. Catalina, Negros Oriental niadtong Marso 18, 2025.

Ang operasyon gihimo sa mga personnel sa Provincial Intelligence Unit-Provincial Drug Enforcement Unit ug Sta. Catalina Municipal Police Station sa Negros Oriental Police Provincial Office.

Si Regional Trial Court (RTC) Judge Angela Carina Cortes-Garces sa Branch 33, Dumaguete City ang niluwat og warrant of arrest batok sa suspetsado kinsa nag-atubang og kasong rape. Ang korte wala morekomendar og piyansa alang sa temporartyong kagawasan sa suspetsado.  Ang suspetsado nabalhog karon ngadto sa Sta. Catalina Municipal Police Station. "This arrest is a clear message that the PNP will not relent in pursuing individuals who evade justice. Our dedicated personnel continue to work tirelessly to ensure the safety and security of our communities", matud ni Police Brigadier General Redrico Maranan, direktor sa Police Regional Office.

Giawhag sa PRO-7 ang publiko nga mo-report sa bisan unsa nga impormasyon nga makatabang sa pagpakgang sa krimen ingon law enforcement efforts. (BANAT NEWS)