Ronda Cebu Juana namulabog

CEBU, Philippines — Aktibong niapil ang Ronda Cebu Juana, usa ka team gilungkuban sa mga kababayen-an sa One-Time-Big-Time Oplan Bulabog sa Cebu City Police Office subay niining pagsaulog sa National Women's Month 2025.

Gikan sa Marso 15 hangtod sa petsa 16, 2025 niabot sa 600 ka mga personnel gikan sa CCPO ug Local Government Units ang nagtinabangay ubos sa giya ni CCPO acting City Director Police Colonel Enrico Figueroa ug Police Regional Office-7 Director Brigadier General Redricl Maranan aron mas molambo ang community safety sa tibuok 80 ka Barangay.

Ang maong inisyatiba naka rescue og 153 ka menor de edad nga nakalapas sa curfew ordinance.

Niabot sab sa 347 ka indibidwal ang na-isyuhan og citation tickets tungod sa public drinking, smoking ug ubang kalapasan sa mga ordinansa sa siyudad. Tulo sab ka suspects ang nadakpan tungod sa illegal drugs ug armas.

Miresulta sab sa pagkompiskar sa P10,000 nga balor sa illegal nga drugas ug duha ka armas. (BANAT NEWS)