Putol nga tiil nakuykuyan
CEBU, Philippines — Naukay ang mga manguykoyay og basura sa landfill sa Barangay Tapul, Dakbayan sa Talisay human sila nakadiskubre og putol nga tiil sa tawo.
Ang mga basurero natingala sa dihang ilang naablihan ang karton diin ang sulod niini putol nga tiil maong dali silang nitawag sa barangay.
Si Dr. Annesa Patindol, chief Regulation Licensing and Enforcement Division nga nahinabi sa mga tigbalita nagkanayon nga wala sila nakadawat og opisyal nga reklamo bahin niini apan mohimo sila og imbestigasyon.
Matud pa niya ilang sutaon kung kinsa man ang responsable sa pagpataka og labay sa putol nga tiil kay nagtuo sila nga gikan kini sa usa ka tambalanan.
Si Patindol nagkanayon nga delikado sa publiko ang mga pinutol nga parte sa lawas sa tawo tungod kay gikonsiderar kini nila nga infectious wasten nga dunay espesyal nga pamaagi sa paghipos o pagdispatsar aron dili peligro sa publiko. IBM BANAT NEWS
- Latest
