Upat ka barangay sa Cebu City adunay kaso sa rabies

CEBU, Philippines — Upat ka kaso sa rabies ang natala sa Department of Veterinary Medicine and Fisheries sulod sa unang duha ka buwan niining tuiga matud ni Dr. Alice Utlang, pangulo sa DVMF.

Si Utlang nagkanayon nga ang upat ka barangay nga adunay kaso sa rabbies mao ang gikan sa Busay, Mambaling, Basak Pardo ug Guba.

Gikataho nga sa upat ka kaso duha niini ang roaming dog ug duha adunay tag-iya apan dili siya motuo nga naglatagaw ang duha ka iro adunay posibilidad nga aduna kini mga tag-iya apan gipasagdan lang.

Usa sa hinungdan nga ang iro mataptan og rabies kon kini walay bakuna unya napakaan og iro nga adunay rabies.

Matud ni Utlang nga aduna sila’y team karon nga nagpahigayon og house to house  diin kadtong mga iro nga walay bakuna ang isyuhan nila ug citation ticket nga ang multa P2,000 apan kong iparehistro nila dili na sila maisyuhan ug P200 lang ang bayranan sa pagrehistro. Gipadayag ni Utlang nga sa nilabay nga tuig adunay 27 ka kaso apan gamay lang kini kong ikompara sa laing dapit ilabi na wala makab-ot ang target nga 80 percent rabies vaccination population niadtong tuig 2022 ug 2023.

Giawhag ni Utlang ang mga namuhi ug iro nga pabakunahan gayud kini ug kong babaye ang ilang mga buhi angayan nga ipa-ligate aron dili sila makamulta.

Dugang ni Utlang nga iyang tinguha nga sa dili pa siya moretiro sa serbisyo mahimong pet friendly ang siyuda wala nay rabbies sa mga iro apan lisod pa kaayo kini makab-ot ug. BDB BANAT NEWS