Koleksyon sa buhis sa siyudad misaka og 12 porsyento
CEBU, Philippines — Misaka og 12 porsyento ang koleksyon sa buhis sa Business Permits and Licensing Office (BPLO) gikan sa mga renewal sa business permits itande sa miaging tuig.
Kini ang gipahibawo ni Cebu City Mayor Raymond Alvin Garcia diin suma pa niya usa kini ka timailhan sa pag-uswag sa ekonomiya.
Atol sa press conference kagahapon gipahibawo ni Garcia nga ang revenue collection gikan sa business permit renewals miabot og P1,769,803,131 hangtud sa February 10, 2025, itande sa susamang period sa miaging tuig nga miabot lang of 1.5 billion.
Gumikan niini naobserbahan ang pag-usbaw og P200 million sa koleksyon ning tuiga nga dunay 12 percent nga pagsaka itande sa imaging tuig.
Naobserbahan usab sa mayor nga ang siyudad dunay mokabat sa 1,000 ka mga bag-ong establisamento nga nirehistro karong tuiga. Kini nagpasabot nga epektibo ug nilambo na ang tax efficiency sa dakbayan.
“It just shows that, you know, our economy has really bounced back, and people are more confident now in opening businesses,” suma pa ni Garcia.
Niadtong miaging buwan sa wa pa matapos ang deadline sa business permit renewal gikatahu nga ang konseho miaprobar sa extension sa deadline hangtud sa kataposan sa buwan sa Enero 2025.
Si Garcia, nitug-an nga nibalik-balik na gayud ang ekonomiya karon sa siyudad ug ang katawhan ganahan na usab mobukas og mga negosyo. (BANAT NEWS)
- Latest
