Lalaki ug uyab nga bayot nadakpan sa buybust
CEBU, Philippines — Nadakpan sa mga operatiba sa City Intelligence Unit sa Cebu City Police Office(CCPO ang usa ka lalake ug ang giingong hinigugma niining bayot atol sa gihimong buy-bust operation diha sa U. Alviola Street, Villagonzalo, sa Barangay Tejero, siyudad sa Sugbo, Sabado sa hapon, Pebrero 1, 2025.
Ang mga dinakpan mao sila si Clark Sto. Domingo Dinoy alyas Kla-Kla, 26, nagpuyo sa Sitio Vilgon, Barangay Tejero, high value individual ug si Jerome Rucas Ciano alyas Cherry, 24, nagpuyo sa U. Alvioka Street, Barangay Tejeros ning siyudad ug usa ka street level individual.
Nakuhaan ang mga suspetsado og 100 grams nga shabu nga nagkantidad og P680,000.
Ang drugas nga nakuha gisumitir na sa Cebu City Forensic Unit-7 alang aa chemical analysis.
Padayon ang imbestigasyon sa kapulisan labot sa ilegal nga drugas nga nasakmit gikan sa mga suspetsado.
Gikatakda sab sila pasakaan og kasong kalapasan sa Republic Act 9165. — /IBM (BANAT NEWS)
- Latest
