P1 bilyong nga target collection nakab-ot sa BPLO Mandaue
CEBU, Philippines — Gipahibalo sa Business Permit and Licensing Office (BPLO) sa Siyudad sa Mandaue nga nakab-ot nila ang ilang target collection nga P1 bilyon sa business tax sa bulan lang sa Enero niining tuiga.
Nunot usab kini sa hingpit na nila nga pagtapos sa gikatakda na nila nga deadline alang sa businesxs tax payments niadtong Enero 31, 2025 diin sa ilang natala nga 2,000 ka business establishment ang hingpit nga nakabayan sa ilang tinuig nga buhis
Si Atty. Walter Shane Lumbre, pangulo sa BPLO Inspection Division nagkanayon nga ilang gilaoman nga mosaka ang tax collection sa siyudad karong tuiga tungod usab sa 15,000 ngadto na sa 17,000 nga narehistrong patigayon nga ang pipila niini kanila naangan-angan pa ang ilang pagbayad sa buhis.
Matud ni Lumbre nga ang tax collection nga kapin sa P1 bilyon ang kadaghanan niini mao ang buhis gikan sa dagkong kompaniya sa Siyudad sa Mandaue.
Dugang ni Lumbre nga ang mga entrepreneur nga mapakyas sa pagbayad sa ilang business permits mapahamtangan kini og 25 porsyento nga surcharge ug dugang pa nga duha ka porsyento nga interest sa matag bulan. — /BDB (BANAT NEWS)
- Latest
