Managuyab namaligya’g drugs nadakpan

CEBU, Philippines — Nadakpan sa mga operatiba sa Carbon Police Station 5 Cebu City Police Office(CCPO) ang mga batan-ong gituohang manag-uyab sa ilang buy-bust operation sa Barangay Ermita, siyudad sa Sugbo, Huwebes sa gabii, Enero 30, 2025.

Ang mga nadakpan mao sila si  alyas Nash, 18 anyos, Grade 7 student, nagpuyo sa Barangay Ermita ug si alyas Preccy, 18 anyos, Grade 11 student molupyo sa Barangay Sawang Calero ning siyudad.

Nasayran nga nakadawat og impormasyon ang kapulisan labot matud pa sa pagpamaligya og ilegal nga drugas sa duha diha sa maong lugar hinungdan nga ilaha kining gipanid-an ug gihimo ang operasyon.

Nakuhaan ang mga suspetsado og 5 gramos nga shabu nga nagkantidad og P34,000.  IBM BANAT NEWS