Mandaue Comelec namili na og mga magtutudlo moserbisyo sa eleksyon
CEBU, Philippines — Moserbisyo isip mga electoral board members sa 2025 midterm ekection ang kapin sa 800 ka mga magtutudlo sa mga pangpublikong tulunghaan sa Siyudad sa Mandaue.
Si Mandaue City Assistant Comelec Officer Jacqueline Reuyan miingon nga ang mga magtutudlo nga himoong poll workers kinahanglang walay paryente nga kandidato sa siyudad.
Ang Comelec- Mandaue nagsugod na sa pagpili ug paglista sa mga magtutudlo nga moserbisyo. Ang uban kanila nakaserbisyo na sa nangaging piniliay ug dili na lisud tudloan sa mga basic nga buluhaton.
Dugang pa ni Reuyan nga ang siyudad sa Mandaue adunay 271 nga gibahig nga mga polling precincts sa umaabot nga Mayo 12, 2025 elections.
Ang matag clustered precincts pagalangkoban sa tulo ka mga magtutudlo nga naglakip sa chairman ug ingon man electoral board members.
Matud ni Reuyan nga ang siyudad ning panahona adunay 238,000 ka mga rehistradong botante nga gilauman nga maghugop sa pagbotar sa umaabot lokal ug national midterm election. IBM BANAT NEWS
- Latest
