4,296 ang nakabenepisyo sa TUPAD program sa siyudad sa Lapu-Lapu

CEBU, Philippines — Natala ang 4, 297 nga kinatibuk-ang gidaghanon sa mga Oponganon nga walay trabaho nga maoy mga beneficiary sa Tulong Panghanapbuhay Para sa Ating Disadvantage and Displaced Workers (TUPAD) program sa nasudnong kagamhanan.

Niadtong Martes Enero 28, 2025 gipahigayon ang pagtapok kanila sulod sa Hoops Dome sa Barangay Gun-ob sa siyudad sa Lapu-Lapu alang sa ikaduhang adlaw nga orientation ug ingon man pag-apod-apod sa ilang uniforms.

Ang maong programa maoy kabahin sa mga pagpaningkamot sa Department of Labor and Employment (DOLE) nga natigayon usab pinaagi sa buhatan ni Kongresista Cindi King-Chan.

Atol sa orientation gipahinumdoman ang mga beneficiaries sa mga personnel sa DOLE 7 nga pagdala sa iang ID's aron hapsay angn pagproseso.

Naglakip sa mga molopyo nga naapil isip mga beneficiary sa TUPAD program sa DOLE mao ang Calawisan, Canjulao, Ibo, Mactan, Maribago, Maigondon, Pajac, Pajo, Punta Ingano, Pusok ug Suba Basbas.

Ang maong mga beneficiaries gihatagan og trabaho sa kagamhanan pinaagi sa pagdistino kanila sa pagpanglimpiyo sa kadalanan nga molungtad og napulo ka adlaw ug magdawat sila og suweldo nga P468 matag adlaw. (BANAT NEWS)