Incentive sa mga nipasar sa board ug bar exam ipanghatag na

CEBU, Philippines — Gipahibawo ni Talisay City mayor Gerald Anthony “Samsam” Gullas nga ipanghatag na karong Biyernes ang incentives sa mga nipasar sa board ug bar exam nga mga Talisaynon.

Ang pagpanghatag himoon sugod sa alas 8 sa buntag diha sa Sports Academy compound sa Talisay City Hall.

Una niini, gipapasar ni konsehal Eduardo “Digul” Gullas III, chairman sa Committee on Education ang ordinansa nga maghatag og incentive sa mga Talisaynon nga naningkamot nga makab-ot ang ilang damgo.

Isip pahalipay mao kini ang nahuna-hunaan ni konsehal Gullas aron madasig sa pagpaningkamot ang mga Talisaynon.

Ang ordinansa napasar niadtong miaging tuig nga nakakuha og suporta sa tanan ug hingpit na kini nga napatuman. (BANAT NEWS)