78-anyos patay sa nahitabong sunog sa Kalunasan

CEBU, Philippines — Patay ang usa ka 78-anyos nga senior citizen sa nahitabong sunog sa Oppra Unit 1, Barangay Kalunasan, Siyudad sa Sugbo kagahapon sa kadlawon.  Ang biktima mao si Zosimo Aspacio, nagpuyo sa maong dapit ug giingong halos dili na mailhan tungod sa pagkapaig niini.

Nadawat sa kabomberohan ang alarma sa sunog alas 2:22 sa kadlawon ug napawong ang kayo sulod sa 30 minutos.

Usa ka balay ang naugdaw sa maong sunog samtang duha ang partially burned diin duha ka pamilya ang naapektohan sa insidente o 15 ka indibidwal.

Usa ka pag-umangkon sa biktima nibutyag nga gihimong boarding house ang ilang balay sa biktima ug nagpuyo ang ilang uyoan sa usa sa mga kwarto niini.  Gituohang nahinanok pagkatulog ang biktima ug dihang nahitabo ang sunog wala na kini kagawas ug na suffocate. (BANAT NEWS)