Food bank planong tukoron
CEBU, Philippines — Nagplano ang konseho sa Dakbayan sa Sugbo nga magtukod og food bank aron kapahimuslan kini sa libuan ka mga Sugbuanon.
Ang maong sugyot sa pagpatukod sa maong food bank gipanguluhan kini ni Konsehal Rey Gealon.
Sa report sa Cebu City Public Information Office nga ang pagtukod sa maong food bank gihimo na kini sa Pasay City niadtong Disyembre 2024. Mao nga nangunay og awhag si Gealon ngadto sa Department of Social Welfare and Development (DSWD)-7 nga magtukod niini ug suportahan ang maong programa dinhi sa syudad.
Giawhag sab sa konseho ang 900 ka mga sakop sa Cebu Chamber of Commerce and Industry alang sa pagdonar sa ilang sobra nga pagkaon ngadto sa DSWD-7 arong himoong "hotmeals" sa food bank.
Tumong sa maong food bank mao ang paghatag og pagkaon sa mga pamilya nga nakasinati og kagutom.
Wala pa matino kun kining food banks mopakaon ba og apil aning mga libudsuroy sa kadalanan. (BANAT NEWS)
- Latest
