PRO-7 nagsugod na og pangandam sa midterm elections
CEBU, Philippines — Alang sa padayon nga lakang aron nga masiguro ang hapsay ug luwas nga eleksyon karong Mayo 25, 2025 si Police Colonel Arnel Banzon, Provincial Director sa Bohol Police Provincial Office(BPPO) uban ang command group aktibong niapil sa importanteng conference nga gipangulohan ni Police Regional Office-7 Director Brigadier General Redrico Maranan.
Nakatutok ang conference sa umaabot nga 2025 Midterm National ug Local Elections diin gihagatagan og tubag ang pito ka Major Security Concerns aron masiguro ang integridad ug luwas nga proseso sa piniliay.
Sama sa seguridad sa COMELEC official ug offices diin gituki ang komprehensibong measures aron ma-secure ang mga personnel sa COMELEC ug facilities.
Apil sab ang seguridad sa Election-Related Government Offices diin mas gipalambo nga protection protocols ang giandam alang sa tanang related government offices.
Security ug threat assessment sa mga kandidato, gipresentar ang detalyadong threar assessment sa mga kandidato.
Pag-assign og focal persons sa mga kandidato nga dunay verified threats ug dunay direct coordination sa tali sa nga Police Station Commanders, COPs ug field commanders aron masiguro ang kaluwasan sa mga kandidato ilabi na sa covenant signing activities.
Apil sab ang deployment plans sa mga personnel ug force multipliers nga mobantay sa polling places, voting centers ug canvassing areas ang gi-review aron masiguro ang hapsay nga eleksyon
Gituki sab ang mga pamaagi aron mabantayan ang election materials ug ang distribution hubs.
Gihatagan sab og pagtagad ang proactive measures aron ma-detect ug mapugngan ang vote buying activities ug ang pag-apil unya sa mga grupo sa mga kriminal ug mga private armed groups.
“We will implement proactive strategies to address potential security challenges and maintain public trust in the electoral process,” ni Banzon pa.
Si Police Brigadier General Maranan niawhag sa tanang Provincial Directors nga makig-alayon sa ubang ahensiya ug stakeholders aron masiguro ang hapsay ug malinawong nga piniliay. (BANAT NEWS)
- Latest
