Pagkasakmit sa P170 milyong shabu, resulta sa gipakusgang paningkamot sa gobiyerno kontra ilegal nga drugas

CEBU, Philippines — Gihulagway ni Police Regional Office (PRO)-7 Director Brigadier General Redrico Maranan nga ang pagsakmit sa P170 million nga balor sa illegal nga drugas produkto kini sa gipangusgang paningkamot sa gobiyerno ug sa law enforcement agencies sa kampanya batok sa illegal nga drugas ug pagdakop sa nga high-profile drug dealers.

“This successful seizure highlights our commitment to eradicating illegal drugs and protecting our communities. Through effective collaboration with our partner agencies, we have prevented dangerous substances from harming lives. We will continue our strategic efforts to maintain a drug-free Central Visayas," sigon ni Maranan.

Una niini, napugngan sa mga operatiba sa Philippine Drug Enforcement Agency  Central Visayas inabagan sa Cebu City Police Office, PNP Maritime Group, NAVFORCEN , Philippine Coastguard, Bureau of Customs ug Cebu Ports Authority ang pagsulod sa 25 ka kilo nga shabu sa manag-inahang taga Barangay Ermita , Cebut City. Ang managinahang Edna ug Edward Loga luwan og awto nga gisakay og ferry boat diha sa Pier 4, Barangay Carreta, siyudad sa Sugbo niadtong Huwebes sa buntag, Enero 23, 2025.

Gikan pa sila sa Masbate ug gikatahong sa Manila nila gikuha ang maong sakyanan nga gikargahan sa karton nga giputos og packaging tape apan ang sud 25 ka kilong shabu diay.

Ang Investigation Agent III nga si Jonar Cuayzon, Chief sa Intelligence and Investigation Section sa PDEA-7 naatlan lang nga nagpahigayon sila og inspeksyon sa barko nga bag-o pang nidunggo gikan sa Masbate sa Pier 4.

Apan nakamatikod dayon sila sa lahi nga linihokan sa drayber niini mao nga ilaha kining gipugngan og giinspeksyon ang awto gamit ang ilang K9 dog nga si Bayani.

 Nabantayan dayon nga di mahimutang ang iro mao nga ilahang gipakanaog sa drayber ang karton diha sa backseat ug didto nasakpan ang ilegal nga drugas.

Ang drayber nga si Edward nangangkon nga igo ra sila gisuholan og P20,000 sa wala mailhing tawo aron pagkuha sa maong awto didto sa Manila nga iyang gimaneho pabalik dinhi pinaagi sa land trip ug pagtabok sa dagat sakay og roro.

Sa nanglabay nga mga adlaw sa wala pa ang Sinulog 2025, dunay mga sugyot nga kinahanglang monitoron ug higpitan ang pag-inspeksyon sa tanang entry ports padung sa Sugbu.

Ang Sugbu gikonsiderar na kaniadto pa sa PDEA-7 ug sa PRO-7 nga transit points o agianan sa ilegal nga drugas tungod sa lokasyon niini ug sa mga pasilidad nga naa sama sa international port, pantalan, airport ug mga roro wharf nga konektado sa nagkalain-laing probinsya sa tibuok Kabisay-an ug ngadto sab sa Mindanao.