Lola nga gidauban namatay sab

CEBU, Philippines — Nakabsan gyud sa kinabuhi ang 84- anyos nga lola nga gisabyagan og gasolina ug gisilaban sa iyang umagad didto sa ilang panimay sa Barangay Bolinawan, Dakbayan sa Carcar niadtong Enero 5 ning tuiga. Ang suspek namatay sab pipila ka adlaw diha sa tambalanan human kini nisuway sa pagpakamatay samtang gitanggong sa karsel sa kapolisan.

Si Lolita Licu-an, human sa duha ka semana nga naa kini sa tambalanan gumikan sa grabeng paso nga naangkon.

Si PSSG Jhapet Saavedra, imbistigador sa Carcar City Police Station nibutyag nga namatay si Licu-an niadtong Enero 17 ning tuiga.

Gisunog siya sa iyang 55 anyos nga umagad tungod sa kasuko niini nga wala na mouli sa ilang panimay sa lungsod sa Minglanilla ang iyang asawa niadto pang buwan sa Disyembre sa miaging tuig.

Ang panghitabo nga pagsunog nakuhaan pa og video sa anak sa suspek.

Nadakpan ang suspetsado pero nisuway kini sa pagkutlo sa kinabuhi pinaagi sa pagtulon sa brush nga gigamit sa paglimpyo sa pansayan sa suds a ilang karsel sa police station sa Carcar.

Gidala siya sa tambalanan niadtong Enero 9 apan nakabsan kini sa kinabuhi sud sa tambalanan niadtong Enero 20 ning tuiga gumikan sa impeksyon sa tutunlan.

Ang duha pulos na gihaya ug gikatakdang idungan sa paglubong karong Enero 26 ning tuiga.  IBM BANAT NEWS