Mga sakop sa City PIO gi-surprise drug test
CEBU, Philippines — Nagpahigayon og surprise drug test ang Cebu City Office on Substance Abuse Prevention (COSAP) sa dili momenos 30 ka mga kawani sa Cebu City Public Information Office kagahapong adlawa, Enero 24, 2025 sa Cebu City Hall.
Ang pagpahigayon sa maong drug test subay kini sa inisyatiba ni Mayor Raymond Garcia aron nga maangkon ang drug-free workplace.
Ang Cebu City PIO gipanguluhan kini ni Ramil V. Ayuman sa pakighinabi sa Banat News siya nalipay nga nisumiter gyud ang tanan ang mga sakop sa PIO.
Matud pa ni Ayuman ng adunay mga empleyado nga naka-leave apan gipaadto gyud kini sa City Hall alang sa maong kalit-kalit nga drug test.
Malaumon si Ayuman nga mogawas ang resulta sunod semana.
Dili lang ang PIO unya ang ipaubos og drug test apan lakip na sab ang ubang departamento sa kagamhanan sa Dakbayan sa Sugbo. IBM BANAT NEWS
- Latest
