Furniture shop naugdaw

CEBU, Philippines — Naugdaw  sa sunog ang The  Furniture City nga nahimutang  sa dalan Hernan Cortes  sa Barangay Subangdaku, Siyudad sa Mandaue dihang kalit lang miulbo  ang kalayo ala 1:35    ang takna  sa Huwebes sa hapon Enero 23, 2025.

Miresponde sa alarma ang kabomberohan sa Siyudad sa Sugbo, Siyudad sa Lapu-Lapu, Consolacion ug mga sakop  sa Cebu Chinese Fire Volunteer Brigade ug uban pa.

Gikataho nga nagugod kini gikan sa ilang airconditioning unit nga nahimutang sulod sa ilang stock room nga gibutangan  sa mga finished product nga pulos ginama sa kahoy. Ang mga trabahante luwas hinuon kay dali silang nanggawas sa dihang nidako na ang kalayo. Nakontrolar kini alas 2:44 sa hapon ug hingpit napawong alas 3:04 na sa hapon hapon sa maong adlaw.

Padayon pa nga naghipos og dugang kasayuran aron pagsuta sa hinungdan niini ug kun pila ang danyos. (BANAT NEWS)