Peke nga Facebook page ni Gullas nikatap
CEBU, Philippines — Nikatap karon ang peke nga Facebook page ni Talisay City Mayor Gerald Anthony “Samsam” Gullas.
Dali nga nipahimangno ang mayor pinaagi sa iyang orihinal nga FB page nga kong mag-message man gani ang peke nga FB page nga adunay litrato kaniya dili dayon kini motuo.
Nipahibawo ang mayor nga kong siya gyud kini ang nag-message dili siya mangayo sa personal nga impormasyon.
Ug kong makadawat og mensahe gamit ang kunohay FB page ni Gullas kinahanglang tawagan una kini sa dili pa makigtransaksiyon sa tawo nga nag-contact.
Nihangyo si Gullas nga i-block dayon ang mao nga account aron dili na mahasol o mabiktima.
Ang official nga FB page ni Gullas adunay blue check ug 291mil ang mga followers niini.
Si Gullas maoy ikaupat nga opisyal sa Dakbayan sa Talisay nga gihimoan og peke nga account sa Facebook.
Ang nag-una mao sila si Bise Mayor Richard Francis “Choy” Aznar, Konsehal Eduardo “Digul” Gullas III ug ang hepe sa kapolisan nga si Police Lieutenant Colonel Epream Paguyod. (BANAT NEWS)
- Latest
